БАКТАМЕД

Ампициллин/сульбактам            1,5 г

 

- нафас ва ЛОР аъзоларининг инфекциялари;

- сийдик чиқариш тизими ва жинсий аъзоларнинг инфекциялари;

- тери ва юмшоқ тўқималарнинг инфекциялари;

- суяклар ва бўғимларнинг инфекциялари;

- меъда-ичак йўлларининг инфекциялари;

- бактериал септицемия;

- гонококк инфекцияси.

Қорин бўшлиғи ва кичик чаноқ аъзоларидаги операцияларда, операциялардан кейинги асоратларни олдини олиш учун қўлланади.

 

Бактамед  мушак ичига ёки вена ичига юборилади.

Катталарга инфекциянинг енгил кечишида суткада 1,5-3 г 2 марта  юбориш учун буюрилади; ўртача оғирликда суткада 3-6 г 3-4 марта юбориш учун; инфекциянинг оғир кечишида эса - суткада 12 г 4 марта юбориш учун буюрилади. Максимал суткалик доза 12 г ни ташкил қилади.

Асоратланмаган гонореяда - 1,5 г бир марта.

Жарроҳлик инфекцияларини олдини олиш учун - анестезия вақтида 1,5-3 г; сўнгра операциядан кейин 24 соат давомида - ҳар 6-8 соатда худди шу дозада буюрилади.

Болаларга препарат 150 мг/кг боланинг тана вазнига нисбатан буюрилади; суткада 3-4 марта.

Бактамед препарати билан даволаш курси 5 дан 14 кунгачани ташкил қилади.

Бактамед  1,5 г №1 эритувчи лидокаин билан.

 

Бактамед - таркибига ампициллин ва сульбактам кирувчи мажмуавий препарат. Ампициллин граммусбат ва грамманфий аэробларга ҳам, анаэробларга ҳам бактерицид таъсирга эга антибиотик; ўзининг бактерицид таъсирини хужайра мембранасининг мукопептидларининг биосинтезини ингибирлаб амалга оширади. Ампициллин бета-лактамазанинг таъсирига чидамли эмас, осон парчаланиб, даволашда самарасиз бўлиб қолади. Сульбактам пенициллин ядросининг ҳосиласи ҳисобланади. Пенициллинга резистент микроорганизмлар ишлаб чиқарадиган, бета-лактамазани қайтмас ингибирлайди, бу уларни пенициллинлар ва цефалоспоринларнинг таъсирига чидамли қилиб қўяди. Ампициллинга сезгир микроорганизмлар томонидан чиқариладиган бета-лактамазани ингибирлаб, сульбактам синергик таъсир кўрсатади. Мушак ичига юборилгандан кейин қонда юкори концентрациясига эга булади. Плазма оқсиллари билан боғланиши ампициллинда – 28%, сульбактамда – 38%. С_мах 8 соат ўтгач эришилади. Т_1\2 1 соат.

 

ҚЎЛЛАШ МУМКИН БЎЛМАГАН ҲОЛАТЛАР:

Препаратнинг компонентларига ва пенициллинлар гуруҳининг бошқа антибиотикларига юқори сезувчанлик; инфекцион мононуклеоз; лактация (эмизиш) даври; маҳаллий анестетикларга юқори сезувчанликда ва юрак-томир касалликларининг оғир шаклларида лидокаин гидрохлоридини сақловчи эритувчи ишлатилмаслиги керак.

 

Диарея, қичишиш, тошма ва тери реакциялари.

Кам - кўнгил айниши, қусиш, эпигастрияда оғриқ, санчиқлар, уйқучанлик, ҳолсизлик, бош оғриғи.

 

Бактамед препарати қон маҳсулотлари ёки оқсил гидролизатлари, аминогликозидлар билан фармацевтик жиҳатдан тўғри келмайди. Бактерицид антибиотиклар Бактамед билан бир вақтда қўлланганида синергизм намоён қилади; бактериостатик дори воситалари антагонизм намоён қилади. Бактамед билвосита антикоагулянтларнинг самарадорлигини; перорал контрацептивлар, метаболизми жараёнида парааминобензой кислотаси ҳосил бўладиган дори воситалари ва этинилэстрадиолнинг самарадорлигини. Диуретиклар, аллопуринол, фенилбутазон, ностероид яллиғланишга қарши препаратлар ва бошқа дори воситалари ампициллиннинг плазмадаги концентрациясини оширади. Аллопуринол Бактамед билан бирга тери тошмасининг ривожланиши хавфини оширади.

 

Пенициллинларга юқори сезувчанликка эга бўлган пациентларда цефалоспорин антибиотикларига қарама-қарши аллергик реакциялар бўлиши мумкин. Ҳомиладорлик даврида препарат фақат шифокорнинг кўрсатмасига кўра ва кузатуви остида қўлланиши мумкин. Препаратни лактация даврида буюришнинг зарурати бўлганида эмизишни тўхтатиш тўғрисидаги масалани ҳал қилиш керак.